မြို့ခံပြိုင်ဘက် မန်စီးတီးကို ယူနိုက်တက်တို့ ကျိန်းသေအနိုင်ယူနိုင်မယ့် နည်းလမ်းများ

မန်ချက်စတာ ယူနိုက်တက်အသင်းအနေနဲ့ လာမယ့် တနင်္ဂနွေနေ့မှာ

အီတီဟတ်ကွင်းတွင် မန်ချက်စတာ စီးတီးအသင်းနဲ့ကစားရဖို့ ရှိနေပါတယ်။

ယူနိုက်တက်က နောက်ဆုံး ပွဲစဉ်မှာ အာဆင်နယ်ကို အိုးထရတ်ဖို့ဒ်တွင်

( ၃-၁ ) ရလာဒ်နဲ့ အနိုင်ကစားထားရပါတယ်။ တစ်ဖက်မှာ စီးတီးကလည်း

တိုက်စစ်မှူးသစ် ဟာလန်းနဲ့အတူ ဒီရာသီ ပရီးမီးယားလိဂ်ချန်ပီယံဖြစ်ဖို့

ရေပန်းစားနေပါတယ်။ ဟာလန်းက ဒီရာသီ ပြိုင်ပွဲစုံ ( ၁၀ ) ပွဲမှာ

( ၁၄ ) ဂိုးသွင်းပြီး ရပ်တန့်လို့မရနိုင်တဲ့ အနေအထားရောက်‌နေပါတယ်။

ဒါ့အပြင် အယ်လ်ခိုင် ဂန်ဒိုဂန်ကလည်း ဧရိယာထဲမှာ နေရာလွတ်တွေ

ပြန်လည်တွေ့ရှိလာပြီး ဂိုးတွေ သွင်းနေပြန်ပါတယ်။ ဒီဘရိုင်းနား ၊

ဘာနာဒို ဆေးလ်ဗားတို့ကလည်း ယခင်လိုပဲ အကောင်းဆုံး

ဖန်တီးနိုင်စွမ်းကို ပိုင်ဆိုင်ထားဆဲပါ။

ဒါဆို ယူနိုက်တက်အနေနဲ့ စီးတီးကို ဘယ်လို ထိုးဖောက်မလဲ ?

ဟိုတုန်းက ပက်ရဲ့ အသင်းတွေလိုပဲ ဒီ စီးတီးအသင်းကလည်း

တန်ပြတ် တိုက်စစ်တွေ ၊ လျင်မြန်တဲ့ အကူးအပြောင်း ကစားဟန်တွေကို

ထိန်းချုပ်ဖို့ ရုန်းကန်နေရဆဲပါ ။ စီးတီးက ခပ်ကျဉ်းကျဉ်းအနေအထားနဲ့

ကစားလေ့ရှိတာကြောင့် တောင်ပံကစားသမားတွေအနေနဲ့

inverted fullbacks တွေ ချန်ရစ်ထားခဲ့တဲ့ နေရာလွတ်တွေကို

အသုံးချနိုင်ပါတယ်။ ဒါပေမယ့် အသင်းအများစုက တစ်ခြားဘက်မှာ

ပြန်ခံရနိုင်တဲ့ စီးတီးရဲ့ တိုက်စစ်ကို ကြောက်ရွံနေတာကြောင့်

ဒါကို အသုံးမချရဲကြပါဘူး ။ သတ္တိရှိဖို့တော့ လိုပါတယ်။

ယူနိုက်တက်က ( ၂၀၁၉/၂၀ ) ရော ( ၂၀၂၀/၂၁ ) မှာပါ

အီတီဟတ်ကွင်းတွင် ( ၂ ) ကြိမ် အနိုင်ယူထားဖူးပါတယ်။

ဒါပေမယ့် ယခင်လို ခံစစ်ပိတ်ဆော့ပြီး ကောင်တာတစ်ပေါက်ပဲ

ချောင်းဆော့လို့ အဆင်မပြေနိုင်ပါဘူး။ ယူနိုက်တက်အနေနဲ့

လီဗာပူးလ်နဲ့ ပွဲစဉ်ကလိုသာ သွားကစားမယ်ဆိုရင် အနိုင်ရဖို့

အခွင့်အရေးနည်းပါတယ်။ ယူနိုက်တက်က အဲ့ဒီပွဲမှာ mid block နဲ့

စခဲ့ပေမယ့် တဖြည်းဖြည်း နောက်ရောက်သွားခဲ့ပါတယ်။

ပင်နယ်တီ ဧရိယာထဲ အကြိမ် ( ၂၃ ) ထိ လီဗာပူးလ်အသင်းရဲ့

ထိုးဖောက်မှုကို ခွင့်ပြုခဲ့ရပါတယ်။ ဒါဟာ ( ၂၀၁၉/၂၀ ) နောက်ပိုင်း

အများဆုံး ဖြစ်ပါတယ်။ လီဗာပူးလ်မှာ အထောင်တိုက်စစ်မှူး

ရှိမနေလို့သာ ယူနိုက်တက် သက်သာရာ ရခဲ့တာပါ။

တနင်္ဂနွေနေ့ ရင်ဆိုင်ရမယ့်အသင်းက အာလင်း ဟာလန်းရှိနေတဲ့အသင်းပါ။

ယခင်တုန်းက အီတီဟတ်မှာ အနိုင်ရခဲ့သလို ကစားမယ်ဆိုရင်လည်း

အရမ်းခက်ခဲနိုင်ပါတယ်။ အိုလေ ဂန်းနား ဆိုးရှားထက်ထက်မှာတုန်းက

ယူနိုက်တက် စီးတီးကို အီတီဟတ်မှာ အနိုင်ရခဲ့တဲ့ ပွဲစဉ်အတွင်း ပင်နယ်တီ

ဧရိယာထဲထိ ( ၄၃ ) ကြိမ် တိုက်စစ်ဆင်ခွင့်ပြုခဲ့ရပါတယ်။

ဒါဟာ နောက်ဆုံး ( ၅ ) နှစ်အတွင်း အများဆုံးဖြစ်ပါတယ်။

ဟာလန်းရှိနေတဲ့အသင်းကို ဒီလို သွားပေးလို့ မရပါဘူး။

ဒါပေမယ့် လော့ဒေါင်းမတိုင်ခင် အိုးထရတ်ဖို့ဒ်မှာ ယူနိုက်တက်က

( ၂-၀ ) အနိုင်ရခဲ့ ပွဲစဉ်ကို အတုယူသင့်ပါတယ်။ ယူနိုက်တက်က

mid-block press နဲ့ မာမာထန်ထန် ကစားသွားခဲ့ပြီး စီးတီးကို ပင်နယ်တီ

ဧရိယာနားတောင် အရောက်မခံခဲ့ပါဘူး ။ ဒါကြောင့် စီးတီးအနေနဲ့

အဲ့ဒီနေ့တုန်းက ယူနိုက်တက်နဲ့ ဂိုးနဲ့ ကိုက် ( ၂၀ ) အတွင်းမှာ

ပေးပို့မှု ( ၂ ) ကြိမ်ပဲ အောင်မြင်ခဲ့ပါတယ်။ လီဗာပူးလ်နဲ့ ပွဲစဉ်မှာ

ယူနိုက်တက်က ခံစစ်ကို ကျစ်လျစ်အောင်လုပ်ပြီး ရှေ့မှာ second balls တွေ

အသာရအောင် ကြိုးစားကာ တိုက်စစ်ဆင်ခဲ့ပါတယ်။ စီးတီးနဲ့ ပွဲစဉ်မှာ

ရလာဒ်ကောင်း ပိုင်ဆိုင်ဖို့ ဒီထက်ပိုပြီး လိုအပ်ပါတယ်။

တိုက်စစ် စတင်ဖို့ second balls ကိုပဲ အားကိုနေလို့ မရပါဘူး။

ဘောလုံးမရှိချိန်မှာ ယူနိုက်တက်အနေနဲ့ စီးတီးကို ရှေ့ကနေ

ဖိအားပေး ကစားဖို့ လိုပါတယ်။ ဟာလန်းကို ရပ်တန့်ချင်တယ်ဆိုရင်

သူ့ဆီ ဘောလုံးမရောက်အောင်လုပ်ဖို့ လိုပါတယ်။ စီးတီးကို ယူနိုက်တက်ဂိုးနဲ့

ဝေးနိုင်သမျှ ဝေးအောင်လုပ်ဖို့ လိုပါတယ်။ ဘာပဲဖြစ်ဖြစ် ဒီပွဲက ဘောလုံး

ပရိသတ်တွေအတွက် စိတ်ကြိုက်ပွဲဖြစ်မှာပါ။ စီးတီးက ဂိုးတွေကို

အပျော်သဘောနဲ့ သွင်းလာတာတွေမျိုး ကြုံတွေ့လာရနိုင်သလို

ယူနိုက်တက်ကလည်း ခံစစ်ကို ကျစ်ကျစ်လျစ်လျစ်‌ဆော့ပြီး

လျင်လျင်မြန်မြန် တိုက်စစ်ဆင်နိုင်ကြောင်း သက်သေပြထားပြီးဖြစ်ပါတယ်။

တနင်္ဂနွေမှာ စောင့်ကြည့်ရမယ့် ပွဲကြီးပွဲကောင်းအတွက် ဂိုးရလာဒ်လေးတွေ ခန့်မှန်းပေးခဲ့ကြပါအုံး ?

zawgyi

ၿမိဳ႕ခံၿပိဳင္ဘက္ မန္စီးတီးကုိ ယူႏုိက္တက္တုိ႔ က်ိန္းေသအႏုိင္ယူႏုိင္မယ့္ နည္းလမ္းမ်ား

မန္ခ်က္စတာ ယူႏိုက္တက္အသင္းအေနနဲ႔ လာမယ့္ တနဂၤေႏြေန႔မွာ

အီတီဟတ္ကြင္းတြင္ မန္ခ်က္စတာ စီးတီးအသင္းနဲ႔ကစားရဖို႔ ရွိေနပါတယ္။

ယူႏိုက္တက္က ေနာက္ဆုံး ပြဲစဥ္မွာ အာဆင္နယ္ကို အိုးထရတ္ဖို႔ဒ္တြင္

( ၃-၁ ) ရလာဒ္နဲ႔ အႏိုင္ကစားထားရပါတယ္။ တစ္ဖက္မွာ စီးတီးကလည္း

တိုက္စစ္မႉးသစ္ ဟာလန္းနဲ႔အတူ ဒီရာသီ ပရီးမီးယားလိဂ္ခ်န္ပီယံျဖစ္ဖို႔

ေရပန္းစားေနပါတယ္။ ဟာလန္းက ဒီရာသီ ၿပိဳင္ပြဲစုံ ( ၁၀ ) ပြဲမွာ

( ၁၄ ) ဂိုးသြင္းၿပီး ရပ္တန႔္လို႔မရႏိုင္တဲ့ အေနအထားေရာက္‌ေနပါတယ္။

ဒါ့အျပင္ အယ္လ္ခိုင္ ဂန္ဒိုဂန္ကလည္း ဧရိယာထဲမွာ ေနရာလြတ္ေတြ

ျပန္လည္ေတြ႕ရွိလာၿပီး ဂိုးေတြ သြင္းေနျပန္ပါတယ္။ ဒီဘ႐ိုင္းနား ၊

ဘာနာဒို ေဆးလ္ဗားတို႔ကလည္း ယခင္လိုပဲ အေကာင္းဆုံး

ဖန္တီးႏိုင္စြမ္းကို ပိုင္ဆိုင္ထားဆဲပါ။

ဒါဆို ယူႏိုက္တက္အေနနဲ႔ စီးတီးကို ဘယ္လို ထိုးေဖာက္မလဲ ?

ဟိုတုန္းက ပက္ရဲ႕ အသင္းေတြလိုပဲ ဒီ စီးတီးအသင္းကလည္း

တန္ျပတ္ တိုက္စစ္ေတြ ၊ လ်င္ျမန္တဲ့ အကူးအေျပာင္း ကစားဟန္ေတြကို

ထိန္းခ်ဳပ္ဖို႔ ႐ုန္းကန္ေနရဆဲပါ ။ စီးတီးက ခပ္က်ဥ္းက်ဥ္းအေနအထားနဲ႔

ကစားေလ့ရွိတာေၾကာင့္ ေတာင္ပံကစားသမားေတြအေနနဲ႔

inverted fullbacks ေတြ ခ်န္ရစ္ထားခဲ့တဲ့ ေနရာလြတ္ေတြကို

အသုံးခ်ႏိုင္ပါတယ္။ ဒါေပမယ့္ အသင္းအမ်ားစုက တစ္ျခားဘက္မွာ

ျပန္ခံရႏိုင္တဲ့ စီးတီးရဲ႕ တိုက္စစ္ကို ေၾကာက္႐ြံေနတာေၾကာင့္

ဒါကို အသုံးမခ်ရဲၾကပါဘူး ။ သတၱိရွိဖို႔ေတာ့ လိုပါတယ္။

ယူႏိုက္တက္က ( ၂၀၁၉/၂၀ ) ေရာ ( ၂၀၂၀/၂၁ ) မွာပါ

အီတီဟတ္ကြင္းတြင္ ( ၂ ) ႀကိမ္ အႏိုင္ယူထားဖူးပါတယ္။

ဒါေပမယ့္ ယခင္လို ခံစစ္ပိတ္ေဆာ့ၿပီး ေကာင္တာတစ္ေပါက္ပဲ

ေခ်ာင္းေဆာ့လို႔ အဆင္မေျပႏိုင္ပါဘူး။ ယူႏိုက္တက္အေနနဲ႔

လီဗာပူးလ္နဲ႔ ပြဲစဥ္ကလိုသာ သြားကစားမယ္ဆိုရင္ အႏိုင္ရဖို႔

အခြင့္အေရးနည္းပါတယ္။ ယူႏိုက္တက္က အဲ့ဒီပြဲမွာ mid block နဲ႔

စခဲ့ေပမယ့္ တျဖည္းျဖည္း ေနာက္ေရာက္သြားခဲ့ပါတယ္။

ပင္နယ္တီ ဧရိယာထဲ အႀကိမ္ ( ၂၃ ) ထိ လီဗာပူးလ္အသင္းရဲ႕

ထိုးေဖာက္မႈကို ခြင့္ျပဳခဲ့ရပါတယ္။ ဒါဟာ ( ၂၀၁၉/၂၀ ) ေနာက္ပိုင္း

အမ်ားဆုံး ျဖစ္ပါတယ္။ လီဗာပူးလ္မွာ အေထာင္တိုက္စစ္မႉး

ရွိမေနလို႔သာ ယူႏိုက္တက္ သက္သာရာ ရခဲ့တာပါ။

တနဂၤေႏြေန႔ ရင္ဆိုင္ရမယ့္အသင္းက အာလင္း ဟာလန္းရွိေနတဲ့အသင္းပါ။

ယခင္တုန္းက အီတီဟတ္မွာ အႏိုင္ရခဲ့သလို ကစားမယ္ဆိုရင္လည္း

အရမ္းခက္ခဲႏိုင္ပါတယ္။ အိုေလ ဂန္းနား ဆိုးရွားထက္ထက္မွာတုန္းက

ယူႏိုက္တက္ စီးတီးကို အီတီဟတ္မွာ အႏိုင္ရခဲ့တဲ့ ပြဲစဥ္အတြင္း ပင္နယ္တီ

ဧရိယာထဲထိ ( ၄၃ ) ႀကိမ္ တိုက္စစ္ဆင္ခြင့္ျပဳခဲ့ရပါတယ္။

ဒါဟာ ေနာက္ဆုံး ( ၅ ) ႏွစ္အတြင္း အမ်ားဆုံးျဖစ္ပါတယ္။

ဟာလန္းရွိေနတဲ့အသင္းကို ဒီလို သြားေပးလို႔ မရပါဘူး။

ဒါေပမယ့္ ေလာ့ေဒါင္းမတိုင္ခင္ အိုးထရတ္ဖို႔ဒ္မွာ ယူႏိုက္တက္က

( ၂-၀ ) အႏိုင္ရခဲ့ ပြဲစဥ္ကို အတုယူသင့္ပါတယ္။ ယူႏိုက္တက္က

mid-block press နဲ႔ မာမာထန္ထန္ ကစားသြားခဲ့ၿပီး စီးတီးကို ပင္နယ္တီ

ဧရိယာနားေတာင္ အေရာက္မခံခဲ့ပါဘူး ။ ဒါေၾကာင့္ စီးတီးအေနနဲ႔

အဲ့ဒီေန႔တုန္းက ယူႏိုက္တက္နဲ႔ ဂိုးနဲ႔ ကိုက္ ( ၂၀ ) အတြင္းမွာ

ေပးပို႔မႈ ( ၂ ) ႀကိမ္ပဲ ေအာင္ျမင္ခဲ့ပါတယ္။ လီဗာပူးလ္နဲ႔ ပြဲစဥ္မွာ

ယူႏိုက္တက္က ခံစစ္ကို က်စ္လ်စ္ေအာင္လုပ္ၿပီး ေရွ႕မွာ second balls ေတြ

အသာရေအာင္ ႀကိဳးစားကာ တိုက္စစ္ဆင္ခဲ့ပါတယ္။ စီးတီးနဲ႔ ပြဲစဥ္မွာ

ရလာဒ္ေကာင္း ပိုင္ဆိုင္ဖို႔ ဒီထက္ပိုၿပီး လိုအပ္ပါတယ္။

တိုက္စစ္ စတင္ဖို႔ second balls ကိုပဲ အားကိုေနလို႔ မရပါဘူး။

ေဘာလုံးမရွိခ်ိန္မွာ ယူႏိုက္တက္အေနနဲ႔ စီးတီးကို ေရွ႕ကေန

ဖိအားေပး ကစားဖို႔ လိုပါတယ္။ ဟာလန္းကို ရပ္တန႔္ခ်င္တယ္ဆိုရင္

သူ႔ဆီ ေဘာလုံးမေရာက္ေအာင္လုပ္ဖို႔ လိုပါတယ္။ စီးတီးကို ယူႏိုက္တက္ဂိုးနဲ႔

ေဝးႏိုင္သမွ် ေဝးေအာင္လုပ္ဖို႔ လိုပါတယ္။ ဘာပဲျဖစ္ျဖစ္ ဒီပြဲက ေဘာလုံး

ပရိသတ္ေတြအတြက္ စိတ္ႀကိဳက္ပြဲျဖစ္မွာပါ။ စီးတီးက ဂိုးေတြကို

အေပ်ာ္သေဘာနဲ႔ သြင္းလာတာေတြမ်ိဳး ႀကဳံေတြ႕လာရႏိုင္သလို

ယူႏိုက္တက္ကလည္း ခံစစ္ကို က်စ္က်စ္လ်စ္လ်စ္‌ေဆာ့ၿပီး

လ်င္လ်င္ျမန္ျမန္ တိုက္စစ္ဆင္ႏိုင္ေၾကာင္း သက္ေသျပထားၿပီးျဖစ္ပါတယ္။

တနဂၤေႏြမွာ ေစာင့္ၾကည့္ရမယ့္ ပြဲႀကီးပြဲေကာင္းအတြက္ ဂိုးရလာဒ္ေလးေတြ ခန႔္မွန္းေပးခဲ့ၾကပါအုံး ?